Красногорскысо рвезе-влак кудывечысе футбол дене устан модыт
«Марий Эл» Ареныште» кудывечысе футбол дене фестивальын регионысо йыжыҥже эртен. Фестиваль «Йоча спорт» проект кышкарыште элна мучко эрта. Турнирыш пӱтынь республике гыч 12 футбол команде чумырген- 13-15 ияш рвезе- влакын 9 командышт да ӱдыр- влакын-кумыт. Таҥасымашын лектышыже почеш команде Российысе финалыш кая. Тудыжо август мучашыште Санкт-Петербург олаште лийшаш. Ӱдыр команде- влак коклаште сеҥышыш Параньга район гыч «Ляжмаринка» лектын, а рвезе- влак коклаште Красногорский посёлко гыч «Жемчужины» команде эн тале лийын.