Элнеттӱр ден Ердӱрын шке эмлыме верышт уло

Республикым вуйлатыше Александр Евстифеев Морко районыш паша дене мийымыж годым Элнеттӱр ялыште у фельдшер-акушер пунктым ончен лектын. Модулян амбулаторийым калыкле проект кышкарыште ыштыме. Тӱн задаче: калык кеч-кушто ила гынат, медицина полышым налын кертшаш. Тиде сомыллан республике 4 миллион теҥге оксам кучылтын. Кок миллион утлаже- Россий правительствын резерв фондшо гыч. Александр Евстифеев ончымыж годым палемден: тыгай пункт- влак калыкын илышыжым саемдымаште, йоча шочмашым кугемдымаште, колымашым иземдымаште  кӱлешан улыт. У, чапле ФАП-ыште конкультацийым налаш, прививке- влакым ыштыкташ лиеш. Кумдыкшо кугу огыл гынат, черле- влакым приниматлыме, процедура, эмым аралыме, стерилизоватлыме, санитар пӧлем, санузел, пашаеҥлан вер- влак улыт. Верысе калыкат куанен. Тыште шокшо, волгыдо, черетат уке,- ойлат нуно. Кадрым ситарыме. Специалистше Йошкар-Олаште шинчымашым келгемден толын. Тиде ФАП-ыш Элнеттӱр да Ерӱмбал гыч 300 наре еҥ кошташ тӱналеш.