Волжскысо спортсмен эн туран лӱя
Волжск ола гыч спортсмен карабин гыч лӱйкалымаш дене тӱнян чемпионжо лийын. Кодшо кечылаште Швецийысе Карлскуга олаште карабин гыч лӱйкалымаш дене тӱнян чемпионатше эртен. Тушто Владимир Яковлев шӧртньӧ медальым сеҥен налын. Таҥасымаште тӱрлӧ эл гыч 700 спортсмен лийын. Российын командыже 42 еҥан лийын. Вич кече жапыште кажне кечын куд упражненийым ыштеныт. Мишень марте кужытшо 10 гыч 350 метр марте лийын. Ушештарена: Владимир Яковлев 2016-шо ийыште Российын кубокшым налын, тений той чемпион лийын, кызыт иктешлыше дуэль дене лӱйкалымаште эн сай лектышым ончыктен. Пьедесталын моло тошкалтышыже- влакымат Российын спортсменже- влак айленыт.