«Школыш погынаш полшо»
Оласе школлаште 12-шо август гыч 9-ше сентябрь марте шуко шочшан, начаррак илыше да неле саманыш логалше еш- влаклан полшаш манын, «Школыш погынаш полшо» поро кумыл акций эртаралтеш. Тушко профилактике системыш пурышо организаций, туныктыш тӧнеж да ура чонан еҥ- влак ушнат. Тӱҥ шотышто тунемше- влаклан адресан полыш лиеш. Тыгак школ коллектив- влак канцеляр сатум, погымо вургемым оласе йоча тӧнеж- влаклан пӧлеклат. Школлаште канцеляр сатум, портфельым, школ формым погаш лӱмын класс- влакым ойырымо. Акцийыш чыла кумылен еҥ ушнен, школ сатум конден кертеш. Акцийыште погымо полышым тунемме идалык тӱҥалмылан пӧлеклалтше пайремыште кучыкташ тӱналыт.