Республикысе казнан 60 процентше социал кӱлешлыклан кая
Республикын бюджетше палынак социал корныш виктаралтын. Кызыт тиде сомыллан бюджетын 60 процентше колташтеш. Марий Эл шкенжын социал порысшым тӱрысынек да шке жапыштыже шукта. Тиде сомылым республикым вуйлатыше шке терген шога. Мутлан, нужнанрак илыше еҥ, икшыван еш, инвалид, пенсионер, пожарлан кӧра эҥгекыш логалше- влаклан полшаш 2018-ше ийын бюджетыштыже 202 миллион теҥгем палемдыме ыле. Тидыже 17-ше ий деч 8 гана шукырак. Правительствын резерв фондшо шуко шочшан еш- влаклан электрооборудованийым, коҥгам тӱҥьыкым олмыкташ полша. Кодшо ийын неле илышыш логалше ешла гыч 225 йоча «Журавушка» реабилитаций рӱдерыште каналтен. Интернат, тыгай тӧнеж- влаклан кугу полыш ышталтеш, Тушто олмыктымо пашам шуктат, у корпус- влакым нӧлтат. Илалше да йоча- влакым кугыжаныш велым аралаш шуко ышталтеш.