Кок тылзат пеле троллейбус дене шулдынрак кошташ лиеш

Йошкар- Оласе троллейбуслаште шулдырак кайыме шотышто акций тӱҥалеш. Йошкар-Ола администрацийын увертарымыж почеш, пассажир- влак корнылан акым Виза контактдыме банк карте дене тӱлат гын, кок теҥгелан шулдынрак каят. Тыге ик гана кайымылан 20 теҥге веле налалтеш. Ик карте ден икмыняр еҥлан тӱлет гынат, скидке тыгаяк лиеш. Тидымат шотыш налман: билетыште 22 теҥгем ончыктымо лиеш, а банк карте гыч 20 теҥгем налыт. Акций таче тӱҥалеш да 31-ше октябрь марте шуйна.