Угарман олаште Марий Элын сайлымашлан ямде улмыжым каҥашыме
Теҥгече Угарман олаште Россий президентын Юл кундем округышто полпредшын алмаштышыже Игорь Буренков Марий Элыште мер-политик ситуаций шотышто совещанийым эртарен. Погынышо- влак 8-ше сентябрьыште сайлымашым эртарыме, калыкле проектым шыҥдарыме да кучемын пашаже шотышто уверым пуымо, сайлымаш кампанийын кузе кайымыже нерген ойленыт. Республикысе правительствылан эн ончыч тӱткышым ойырышаш йодыш- влакым рашемдыме. Республикысе калыкым утларакше ЖКХ, корно, тазалыкаралтыш, туныктымо йодыш- влак тургыжландарат. Игорь Буренков сайлыме кечылан Марий Элын ямде улмыжым палемден. Мемнан задачына,- каласен тудо,- сайлымаш кампаний чын да шинчалан койшын эртыже. Йӱклымӧ кечын Марий Эл Кугыжаныш Погыныш 52 депутатым, муниципал образованийлан представительный органлашкышт тӱжемат 358 депутатым ойыраш тӱналына. Тыгаяк вашлиймаш- влак Пермь край, Угарман, Оренбург, Пенза, Самара областласе кучемын еҥышт дене эртаралтыныт.