Поезд ынде Санкт-Петербургышкат коштеш

            Эрла Йошкар-Ола гыч кӱртньо корно дене у маршрут почылтеш. Тыге Йошкар-Ола- Угарман- Санкт-Петербург поезд кошташ тӱҥалеш. Тӱҥалтыш гыч мучаш марте кусныл шичде кум вагон: ик купейный да кок плацкарт вагон кече коден коштыт. Корнышто Арзамас, Угарман, Иваново, Ярославль, Рыбинск, Бологое да моло олалаште чарналтыш лиеш. Ушештарена: поезд дене Йошкар-Ола гыч  ешартыш маршрут- влакым почаш йодышым Владимир Путинын пресс-конференцийыштыже Йошкар-Ола гыч журналист пуэн ыле.
             У ий пайрем жапыште Моско гыч Йошкар-Олаш ешартыш поезд- влакым колтат. Кӱртньӧ корно билетлан йодмаш эн шуко 29-ше 30-шо декабрьыште да 8-ше 9-ше январьыште палемдалтеш. Ятыр олашке йодмаш икмыняр пачаш ешаралтеш. Сандене У ий каныш жапыште элна мучко кужу корныш 500 утла ешартыш поезд лектеш.
              Фото: МариМедиа.