Йошкар-Оласе уремлаште троллейбус- влак шагалемыныт
Таче кече гыч Йошкар-Оласе уремлаште троллейбус- влак шагалемыныт. Нунын коштмо расписанийышкышт вашталтышым пуртымо. Кажне маршрутыш улыжат кок-кум троллейбус гына лектеш. Нуно куд шагат эр гутлаште корныш лектыт да депошко 8 шагат каслан пӧртылыт. Троллейбус- влакын коштмо интервалышт пел шагат гыч шагат да утларакат жап погына. Олаште чылаже 20 троллейбус коштеш. Эше ик увер- 3-шо номеран маршрут дене троллейбус- влак жаплан коштмым чарненыт. Тымарте 9-ан маршрутым петырыме ыле. Икмыняр маршрутышто микроавтобус- влакат шагалрак кошташ тӱҥалыт.