Марий Элым вуйлатыше Александр Евстифеев Сергей Собянинын эртарыме заседанийыште участвоватлен.
Марий Элым вуйлатыше Александр Евстифеев Российысе Кугыжаныш Советын коронавируслан шарлаш чаракым ыштыме шотышто Пашаче группын черетан заседанийыштыже участвоватлен. Тудым пашаче группым вуйлатыше Сергей Собянин видеокыл йӧн дене эртарен. Палемдыме: республикыште эпидемиологий ситуаций контрольышто улеш. Икымше тӱшка маске толын. Инфекцийлан тергымаш кок лабораторийыште эртаралтеш. Кок тӱжемат 333 еҥ деч налме материаллан кок тӱжемат 378 шымлымашым эртарыме. Черланыше кок еҥ уло. Иктыже Москошто илыше 26 ияш ӱдырамаш. Тудын дене вашлийше 33 еҥым рашемдыме да карантиныш шындыме. Кокымшыжо- Йошкар-Олаште илыше 38 ияш ӱдырамаш. Тудо нигушкат коштын огыл, йот элыштат лийын огыл. Тудын дене 141 еҥ шинчаваш лийын. Медицина эскерымаште тӱжемат 83 еҥ шотлалтеш. Тушечын 307-ше инфекций лийын кертман еҥ- влак дене контактыште лийын. Эскерымаште улшо 43 еҥ йотэлын гражданинже улыт. Эскерымаш гыч 625 еҥым кораҥдыме, тушечын 10-жо йотэлын еҥже улыт. Изоляцийыште улшо кум еҥ шотышто йодмашым шуктыдымыштлан административный пашам тарватат, иктыж шотышто пашам судыш колтымо. Кече еда Россий МВД гыч республикысе МВД-ш элышке толшо граждан- влакын спискышт пурен шога. Республике гыч вес кундемыш кайыше еҥ- влак нерген увер кайыме кундемышкыже колталтеш. Кодшо кечылаште 150 еҥ кайыме нерген уверым колтымо.