Республикым вуйлатыше кӱлеш деч посна мӧҥгӧ гыч лекташ чарен

Марий Элым вуйлатыше коронавирус шарлыме ваштареш кучедалме ешартыш мера- влакым пеҥгыдемден. Мӧҥго гыч кочкыш сатулан да аптекыш гына лекташ лиеш. Тыгай вашталтышым ондак лукмо «Утларак ямде улмо режимым пуртымо нерген» Указыш теҥгече ешарыме. Александр Евстифеев палемден: ешартыш мерым кугыжаныш кучем ыштыде ок керт. Тиде йӧнан огыл гынат, эпидемийлан шарлаш кунар гынат чаракым ыштышаш. Республикыште кок еҥ инфекций дене черланен. Нунын кӧ дене кылым кучымшытым чыла рашемдыме, тиде - 42 еҥ, нунымат медицина эскерымашке налме. Нине мерым чот ответственно шукташ йодам, тиде кечылаште мӧҥгыштак лийза. Тыге гына шкендамат, лишыл еҥдамат черланыме деч арален кодеда, врач- влакланат полшеда, - каласен Республикым вуйлатыше. Мӧҥгӧ гыч лекме посна, ойыртемалтше случайлан медицина полышым йодмаш, пашаш кайымаш, воктелсе кевытыш миен толмаш, 100 метр деч тораш огыл пийым луктын пурымаш, шӱк-куштырам луктын кудалтымаш шотлалтыт. Еҥ- влак уремыште да транспортышто икте-весе коклаштышт метрат пеле деч шагал огыл дистанцийым кучышаш улыт.