Коронавирусым тергаш анализым пуымо вер ешаралтын

Йошкар-Олаште коронавирусым тергаш анализым сдатлыме ешартыш пункт- влак почылтыт. Лӱдыкшӧ инфекций тендан капыштыда уло але укем рашемдаш, медицина пашаеҥ- влак анализлан нер да умша помыш гыч вӱдыжгым ӱштыл налыт. Тыгай процедурым эн ончычак  инфекций шарлыме верла гыч толшо- влак эртышаш улыт. Тиддеч посна кӧн температурыжо кӱзен, шӱлаш неле, кокырыкта, оҥым ишыкта гын, анализым сдатлышаш. Йошкар-Олаште тымарте кокымшо поликлиникын 104-ше да 105-ше пӧлемлаштыже материалым сдалташ лиеш ыле гын, ынде икымше да нылымше поликлиникылаштат тидым ышташ лиеш,- увертара тазалыкаралтыш министерстве. Пелен маскым, паспортым да ОМС полисым налман. Тидын годымак оперативный штаб увертара: 30-шо мартлан шотлымаште медик- влакын эскерымаште тӱжемат 125 еҥ шотлалтеш. Тушечын тӱжемат 73 еҥже Российын гражданже, 52-шо йотэл гыч толшо. Черланыше кок еҥ уло.