Арня жапыште медицина организаций- влак кузе пашам ыштат?
Медицина организаций- влакын 30-шо март гыч 3-шо апрель марте пашашт нерген. Российын Президентше Владимир Путин 30-шо март гыч 3-шо апрель марте элысе калыклан пашадарым тӱлыман, но пашам ыштыдыме кече семын увертарен ыле. Но кӱлешан социал функцийым да илышлан кӱлешан функцийым шуктышо икмыняр организаций пашажым умбакыже шуя. Наркологий, психоневрологий, туберкулёзым эмлыше диспансер- влак справкым пуаш огыт тӱнал. Коронавирус черым шараш огыл манын, медицина организацийлашке план почеш мияш палемдымым вес жапыш кусараш кӱлеш. Тазалык начаремеш гын, вашке полышым мӧҥгышкӧ ӱжман. Кылме чер пижме годымат, илыме вер шот дене поликлиникын регистратурыжо гоч врачым ӱжыктыман. Кӱлеш деч посна урем воктен перныл коштман огыл. Аптекыш але кочкыш сатум налаш мийыме годым маскым, перчаткым чийыман.