Эн сай муниципал служащийым пален налме
Эн сай муниципал служащийым пален налме. «Муниципал районын, Ола округын эн сай муниципал служащийже» номинацийыште сеҥышылан Елена Шихалеевам шотлымо. Тудо Йошкар-Ола администрацийыште мер организаций да калык дене пашам ыштыме шотышто виктемын консультантшылан пашам ышта. «Илемын эн сай муниципал служащийже» номинацийыште сеҥышыш Звенигово район Кужмарий ял администрацийым вуйлатыше Вячеслав Васильев лектын. Сеҥыше- влаклан республикысе эл кӧргӧ политике министерствын Чап грамотыж дене дипломым кучыктат.
