Марий Элыште банк карте дене утларак пайдаланаш тӱналыныт
Марий Элыште банк карте дене утларак пайдаланаш тӱналыныт. 2019-ше ийыште сатулан да полышлан тӱлымо 88 миллион утла операцийым ыштыме. Тиде 2018-ше ий деч 40 процентлан шукырак. Карте дене тӱлен сатум да полышым налмаш 30 процентлан ешаралтын да 49 миллиард теҥгем эртен. Банкомат гыч оксам шым пачаш шуэнрак налыныт. Тыгай операций 12 миллионым эртен. Тидыже ончычсо ий деч ик процентат пелылан шагалрак. Тидын годымак налме оксан кугытшо 3 процентлан ешаралтын да 84 миллиард теҥгеш шуын. 2020-шо ий тӱналтышлан республикыште 970 тӱжем карте дене пайдаланат. Тушечын 30 процентше «Мир» системын картше улеш.