Оласе кудывече ден уремлаште тошто лампе- влакым вашталтат

Йошкар-Оласе кудывечылаште ртутьан лампым светодиодан светильник дене вашталтеныт. Лампым вашталтыме проект умбакыже шуйна. Тачысе кечылан пашан икымше йыжыҥжым ыштыме: оласе кудывечылаште кум тӱжем утла тоштемше ртутьан лампым у светодиодан дене вашталтыме. Подряд бригаде- влак кызыт уремлаште вашталтат. Чылаже вич тӱжем лампым уэмдыман. Пашам мучашлымеке, урем да кудывече сайынрак волгалтшаш, электроэнергий аныклалтшаш. Кодшо кечылаште оласе Гайдар, Жуковский, Зарубин, Добролюбов, Школ, Карл Либкнехт уремлаште, Машиностроитель изуремыште пашам шуктымо. Кызыт  пашазе- влак Семёновкысо Берёзовый, Вознесений, Гагарин уремлаште, оласе Гайдар, Горький, Жуковский, Луговой, Мосолов, Серов, Чихайдарово, Энгельс уремлаште, Заводской да Фестивальный изуремлаште шуктат.