Сергей Карякинын шахмат школыштыжо тунемше ӱдыр- Юл кундем округын чемпионжо

Сергей Карякинын шахмат школыштыжо тунемше ӱдыр- Юл кундем округын чемпионжо. 22-шо март марте Ижевск олаште ӱдырамаш- влак коклаште Юл кундем округын Чемпионатше эртен. Тушто Екатерина Насырова сеҥышыш лектын. Чемпионат кум дисциплиным ушен: классический, писе шахмат да блицым. Сергей Карякинын шахмат школыштыжо тунемше Екатерина Насырова ӱдырамаш- влак коклаште  ПФО-н абсолютный чемпионкыжо лийын. Тудо кум дисциплиныштыжат шӧртньӧ медальым сеҥен налын. Тыге тудо шкенжын кодшо ийысе титулжым уэш пеҥгыдемден. Ынде тудо Российын Чемпионатыштыже мастарлыкшым ончыктышаш.