Республикыштына шӱк-куштырам ойыркалыше вич комплексым чоҥаш палемдыме

Республикыштына 2024-ше ий марте инвестиций кӱшеш шӱк-куштырам ойыркалыше вич комплексым чоҥаш палемдыме. Пеҥгыде шӱк-куштыра дене пашам ыштыме шотышто территориальный схеме дене келшышын, талукышто 80 тӱжем тонным ойыркалыме объект Йошкар-Олаште лийшаш. Тудым чоҥаш 185 миллион теҥге окса кӱлеш лиеш. Рӱдӧ ола деч посна ойыркалыше комплекс- влакым районлаштат чоҥат. 40 тӱжем тоннлан Волжск олаште, 30 тӱжем тоннлан Шернурышто, 12 тӱжем тоннлан Моркышто да Курык марий районлаште ышталтшаш улыт. Россий правительствын пунчалже дене федерал бюджет гыч оксам ойырымо правилым пеҥгыдемдыме.