Кугыжаныш автоинспекций пашам ыштыме посна режимыш кусна

Кызытсе инфекций лӱдыкшӧ жапыште Кугыжаныш автоинспекций пашам ыштыме посна режимыш кусна. ГИБДД подразделенийлаште калыкым да сотрудник- влакым коронавирус шарлыме дач аралыме ешартыш мера- влак ышталтыт. Нуно ГИБДД корно дене кугыжаныш полышым пуымо, корно движенийым эскерыме, административный правонарушений нерген пашам ончымо годым шинчаваш кылым шагалемдаш манын ышталтыт. Транспортым регистрироватлаш, экзаменым кучаш, водитель удостоверенийым пуаш кугыжаныш полыш портал гоч ончылгоч возалташ кӱлеш. Транспортым регистрироватлыме жапым шуйкалымылан мутым огыт кучыкто. Калык дене вашкылым ыштыше сотрудник- влак маскым чийышаш улыт.