Шояк водитель 320 шагат ӧкым пашам ышта
Шояк уверым пуышо водительлан 320 шагат ӧкым пашам ышташ пунчалыныт. Шернур районысо суд Марий Турек посёлко гыч 35 ияш пӧръеҥ шотышто титаклыме приговорым луктын. Тудо шояклымылан тиактлалтеш. Рашемдыме: кодшо ий январьыште тудо «Газель» машинам виктарен шуктен огыл да «УАЗ-ыш» миен кертылтын. Но ДТП вер гыч шылын. Варарак Марий Турек посёлкысо полиций пӧлкаш машинажым шолыштмо нерген увертарен. Тергымеке, пален налме: машинам иктат наҥгаен огыл. ДТП-лан мутым кучаш огыл манын, полицийыш шояк йодмаш дене миен. Уголовный пашам посна радам дене ончымо. Тудо шке титакшым тӱрыс умылен. Суд 320 шагат ӧкым пашам ыштыкташ пунчалын.
