Кодшо ийын шояк оксам шагалрак верештме
Кодшо ийын республикыште шояк оксам шагалрак верештме. Эртыше ийын банк секторышто шке ыштыме 44 оксам рашемдыме. Тидыже 18-ше ий деч кок пачаш наре шагалрак. 34 кагаз оксаже- вич тӱжем теҥгеаш лийын. Тиддеч посна 100 доллараш оксам мумо. Тыгак 10 теҥгеаш шым ший оксам пален налме. Оксан чын улмыжо шотышто кокытеланымашда лектеш гын, тудым кеч-могай банкыш экспертизыш пуаш лиеш. Кидыштыда чынжымак шояк окса манын ӱшанеда гын, полицийыш увертарыман.
