Ик рвезе армийыш кайыме деч ончыч штрафым тӱла
Марий Элыште армийыш кайыме деч шылаш тӧчышо 21 ияш призывниклан вич тӱжем теҥге штрафым тӱлыктеныт. Россий Вооруженный вийыш налшаш гражданин сарзе комиссариат гыч кидпалым пыштен повесткым налмеке, кӱлешан амал деч посна призыв дене кылдалтше мероприятийлаш миен огыл. Шке титакшым тудо тӱрыс умылен. Кугыжаныш титаклышын шонымашыжым шотыш налын, суд тудлан вич тӱжем теҥге штрафым тӱлыкташ ыштен. Шымлымашым Медведево районысо прокуратурын эскерымыж почеш шуктымо.