Пандемий жапыште пӧртым чоҥышо да чоҥышо организаций- влаклан полышым пуымо йодышым каҥашыме
Республикым вуйлатыше Александр Евстифеев Россий правительство вуйлатышын алмаштышыже Марат Хуснуллинын кундемлам вуйлатыше- влак дене «Илыме вер да оласе кумдык» калыкле проект йодыш дене эртарыме селектор совещанийыште участвоватлен. Тушто тыгак пандемий жапыште пӧртым чоҥышо да чоҥышо организаций- влаклан полышым пуымо да чоҥымо материал рынкыште могай сӱрет улмым каҥашеныт. Марий Элым вуйлатышын организационно-аналитик виктемыштыже палемденыт: «Илыме вер да оласе кумдык» калыкле проект калыкын илыме йӧнжым саемдаш виктарлатын да радамын шыҥдаралт толеш. 2019-ше ийыште 397 тӱжем квадрат метр илыме верым ыштен шуктымо. Тыгак 162 тӱжем квадрат метрым посна оза- влак чоҥеныт. Тиддеч посна 121 кумдыкым тӱзландарыме. Тушечын 446-шо тӱшка кумдык, 75-ше -кудывече. Тений 420 тӱжем квадрат метр илыме верым чоҥаш палемдыме. 36 кудывечым да 51 тӱшка кумдыкым тӱзландарышаш улыт. Тыгак 748 еҥым аварийный пӧртла гыч кусарыман. 25-ше мартлан шотлымаште тиде сомыллан 311 миллион теҥге окса пурен. 245 пачерым налаш муниципал контрактым пеҥгыдемдыме.