Изи бизнеслан кузе полышым пуаш?
Республикысе кучем корновируслан кӧра изи бизнеслан эҥгекым шагалемдаш манын, полшымо йӧным рашемда. Унагудыш калык шагал коштмылан кӧра, республикысе спорт министерствын ик хостелже петыралтын. Тидын нерген Александр Евстифеевын эртарыме правительствын заседанийыште спорт туризм министр Лидия Батюкова ойлен. Заседанийын тӱҥ йодышыжо изи да кыдалаш предпринимательствын йомдарымашыжым шагалемдымаш. Рашырак каласаш гын, мутланымаш унагудо сфера да туроператор организаций- влакын пашашт нерген лийын. Спорт министерствын ончыктымыж почеш, полышын акыштыже вашталтыш лийын огыл. Ведомство туризм шотышто федерал агентство дене онлайн йӧн дене пашам ышта. Авиа да кӱртньӧ корно дене шупшыктышо- влакын пашашт, турист- влакын ондак кутырен келшымыштым кораҥдыме нерген пурышо чыла увер кундемласе туризм организаций вуйлатыше- влаклан колталтеш да интернетыште вераҥдалтеш. Тачысе кечылан республикыште калыкым вераҥдыме 94 объект уло. Тиде- 6 тӱжем утла верлан санаторий, каныме база, хостел ден унагудо- влак. Апрельлан бронироватлымашын шагалеммыже 100 процентыш шуын. 26-шо мартлан шотлымаште 106 верлан кок объект пашаштым жаплан чареныт. Республике кӧргысо туризм шотышто 8 туроператоржат ончычсо семынак пашам ыштат. Тӱшка экскурсий- влак огыт эртаралт. Бронироватлаш йодмашым пуышо- влак май марте йодмашыштым кораҥденыт. Туризм аланыште вич тӱжем наре еҥ пашам ышта. Александр Евстифеевын мутшо почеш, йотэл туризм тений шагал лиеш, сандене эл кӧргысӧ туризмлан ямде лийман, но тылзе еда тӱрлӧ вариантлан ямдылалтман. Унагудо- влак тиде жапыште шке фондыштым шотыш кондышаш улыт, но уна- влак дене кылым йомадрыман огыл. Тидын годымак экономически вияҥмаш министерствылан туризм аланыште изи бизнеслан кузе полшаш лийме нерген шоналтыман. Республикысе предпринимательствылан полышым пуышо фондын директоржо Максим Талалаев улшо полыш нерген ойлен. Идалык тӱналтыш гыч фонд 47 миллион теҥгелан 53 заёмым пуэн. Тидыже кодшо ийысе икымше квартал деч кок пачаш шукырак. Окса талукышто 6 процент дене пуалтеш, южо категорийлан 3 процент лиеш. Оксам пуаш решений вич кечыште лийшаш.Оксам пӧртылтымӧ шотышто документацийыш вашталтыш пурталтеш. Тӱн парышым тӱлымӧ жап кусаралт кертеш, штрафым огыт тӱлыктӧ, заёмым варарк пӧртылташ лиеш.