Корнавирус дене кучедалаш тазалыкаралтыш министерствылан 23 миллион теҥге окса ойыралтеш
Корнавирус инфекцийым шижтарашлан полшаш Республикысе тазалыкаралтыш министерствылан правительствын резерв фондшо гыч 23 миллион теҥге окса ойыралтеш. Республикым вуйлатыше Александр Евстифеев у черлан шарлаш чаракым ышташ, шижтараш да профилактикылан оксам ойырымо шотышто распоряженийым пеҥгыдемден. 23 миллион теҥге медицина пашаеҥ- влаклан аралалтме средствым: респираторым, аралыше костюмым налаш колталтеш. 26-шо мартлан шотлымаште республикыштына корновирус инфекций дене черланышым палемдыме огыл. Медицина эскерымаште 749 еҥ шотлалтеш. Тушечын 713 еҥже йот эллаш миен толын, 36 еҥже йотэлын гражданинже улыт.