Александр Евстифеев инфекций шарлымашым шагалемдаш манын, ешартыш лӱдыкшыдымылык мерым пеҥгыдемден

Александр Евстифеев республикыштына коронавирус шарлымашым шагалемдаш манын, ешартыш лӱдыкшыдымылык мерым пеҥгыдемден. Тудо «Утларак ямде улмо режимым пуртымо нерген» Указыш вашталтышым пуртен. Документ дене келшышын, ресторан, кафе, столовый, буфет, бар, пурлмывер да моло тӱшка кочмо вер- влакын пашаштым жаплан чарыме. Кочкыш сатум ужалыше да аптеке- влак гына пашам ыштат. Чарымаш тыгак физкультура да спорт организаций, моторлык салон, косметик, массаж, СПА-салон, солярий, монча, сауна- влкымат тӱка. Стоматологий полышат, экстренный случай деч посна, чаралтеш. Кинотеатр, йоча модмо пӧлем, йоча каныш рӱдер да моло каныме вер- влак жаплан петыралтыт. Кугыжаныш кучем орган да верысе самоуправлений органлашке пурышо пансионат, каныме пӧрт, санаторно-курорт организаций, йоча лагерь, унагудо- влак икымше июнь марте уна- влакым огыт вашлий да верымат огыт бронироватле. 65 деч кугурак ийготан да тӱрлӧ черан еҥ- влак шке вуя мӧҥгышто лийшаш улыт. Тыгак икымше июнь марте тӱрлӧ верыш канаш, туризм дене коштмашым чарнаш темлыме.