Карантин правилым пудыртышо- влакым мутым кучаш шогалтен кертыт

Йошкар-Олаште каныш кечылаште мобильный группо- влак мӧҥгыштӧ шинчаш ӱжмаш дене патрулированийым эртареныт. Молан манаш гын, уремыште йоча дене каналтен коштшо- влак шагалын огытыл. Мобильный группыш Роспотребнадзорын да полицийын пашаеҥышт пурат. Кызытеш нуно ача- ава- влакым да пашам ыштыше коммерасант- влакым шижтарат веле. Нуныжо пашам чарышаш улыт ыле. Лач кочкыш сату кевыт да эн кӱлешан сатум ужалкалыше кевыт- влак гына пашам ыштышаш улыт. Тиде- йоча сату, да мушмо средстве, бензин ден автошапаш ужаш, шырпе, сорта да моло сату. Уремыште коштшо- влакым кызытеш шижтарат гына, а теве пашам чарышаш кевытлан директорыштым мут кучаш шогалтат. Тӧнежым петырат, а учредительлан штрафым тӱлыктат але пашам 90 суткалан чарат. Санитар эпидемиологий правилым пудыртымлан кӧра, еҥ- влак тӱшкан черланат але ӱмыр лугыч лийыт гын, вуйын шогышо еҥым вич ий марте эрык деч посна коден кертыт.