Апрельлан пенсийым ончылгоч пуат
Россий президентын Указше дене 30-шо март гыч 3-шо апрель марте пашам ыштыдыме арням увертарыме. Пенсий фондын Марий Элысе пӧлкаже пенсий ден пособий- влакым ончылгоч 12-шо апрель марте пуэн. Банк- влак оксам шке клиентыштлан 27-ше мартыштак кусареныт. Доставке служба да Российын Почтыжат пенсийым ончылгоч кондат. Пенсий дене пырля Кугу сарын ветеранже- влаклан ешартыш оксам кондедат. Апрельлан пенсийым ончылгоч 99 тӱжемат 104 еҥ налын. Тидыже тӱшка чот деч 44 процент лиеш.
