Мӧҥгышто шинчыме режимым тергат

Марий Элыште тӱшка порядкым аралыме да карантиным шуктымо шотышто мероприятий комплекс- влакым пеҥгыдемдыме. Полиций пашаеҥ- влак Роспортебнадзорын специалистышт дене пырля чер шарлыме элла гыч пӧртылшӧ- влакын мӧҥгышто шинчыме режимыштым тергат. Кызыт марте 900 еҥым тергыме. Нунын кокла гыч вич еҥже самоизоляций режимым пудыртен. Нунын шотышто административный правонарушений нерген протоколым возымо. Тиддеч посна кум гана санитар-эпидемиологий йодмашым пудыртымым рашемдыме. Материалым Роспотребнадзор органыш мерым ышташ колтымо. Ушештарена: самоизляцийыште йот эл гыч толшо- влак 14 кече мӧҥгыштӧ шинчышаш улыт. Толмеке, вигак Роспотребнадзор виктемыш йыҥгыртен увертараш кӱштымӧ. Моло еҥ дене кылым ыштыман огыл, чер палдырна гын, вигак врачым ӱжыктыман. Правилым пудыртышо- влакым уголовно мут кучымаш марте шуктен кертыт. Еҥ- влакат, карантиным пудыртышо- влак нерген уверым пален налмекышт оперативный штабын шокшо линийышкыже йыҥгыртен кертыт. Номерже 69-40-63. Российысе тазалыкаралтыш министерствын единый шокшо линий номерже: 8 800 2000 112.