Марий Элысе йоча сад- влак кокла гыч пелыже утла пашам огыт ыште
Республикыштына короновирус инфеций шарлыме лӱдыкшылан кӧра 120 йоча сад пашам ыштымым чарнен, 106-шо эше пашам ыштат. Куд районышто- Волжский, Курык марий, Куженер, Килемар, Оршанке да Юрино районлаште чыла садикым петырыме. Туныктыш министерствын умылтарымыж почеш, тушто дежурный группым ышташ кӱлешлыкше уке. Кодшо 106 йоча садыште 118 дежурный группо пашам ышта. Йочам нигӧ дене кодаш гын, тушко коштыктат. Дежурный группылаште 906 еҥ пашам ышта,- каласен туныктыш министр Наталья Адамова.
