«Социал таксин» пашажым жаплан чарыме
Социал вияҥмаш министерствын увертарымыж почеш республикыштына чарыме мероприятийлан кӧра, «Социал таксин» пашажым жаплан чарыме. Тудо коштын кертдыме черле- влакым шупшыкташ келыштарыме. Тудын дене инвалид йоча да тудын ешыже гыч иктаж-кӧ, 1,2,3-шо группан инвалид- влак, Кугу Сарын инвалидше да участникше- влак, мӧҥгышто социал пашаеҥ деч полышым налше пенсионер ден инвалид- влак да кошташ йӧсланыше 60 ияш деч кугурак пенсионер- влак пайдаланен кертыт. Социал таксилан чыла шотышттат келыштарыме Лада Ларгус автомобиль кучылталтеш. Кодшо ийын тудын дене 315 еҥ пайдаланен.
