Республикысе утарыше- влак ик кастене гына кок гана колызо- влаклан полшаш миеныт

Республикысе утарыше- влак ик кастене гына кок гана колызо- влаклан полшаш миеныт. Эн ончыч утарыше- влак деке Звенигово район гыч йыҥгыртеныт. Ӧрзалак ял воктене Юл эҥерыште кум колызын пушышт вӱд йымак каен, а шкешт вес могыр сереш кодыныт. Утарыше- влак нуным кычал муын, тывел серыш луктын, мӧҥгышт конденыт. Вара утарыше отрядын группыжо Оршанке районыш кудалын. Изи Каракша воктенысе Созино вӱдаралтышын плотинаштыже адакат кум колызо (иктыже ӱдырамаш) ий ӱмбалан кодыныт. Сер марте 30 метр улмаш. Утарыше- влак пуш дене миен, нуным серыш луктыныт да полиций пашаеҥ- влаклан кучыктеныт.