Икымше апрель гыч социал пенсий 6 процентлан индексироватлалтеш

Икымше апрель гыч социал пенсийым 6 процентлан индексироватлат. Республикыште 13 тӱжемат 440 пенсионер индексацийым налеш. Туддеч вара республикыште социал пенсий  8 тӱжемат 642 теҥге лиеш. Социал пенсийым налше посна категорий- тиде инвалид йоча- влак, йоча гычак икымше группан инвалид- влак 13 тӱжемат 454 теҥгем налаш тӱҥалыт, ача –авам йомдарыше йоча- влак 18 ияш марте 11 тӱжемат 212 теҥгем налыт. Тиддеч посна республикыште, законодательстве дене келшышын, кокымшо пенсийым налше- влакынат парышышт кугемеш. Тушко военный эмганымашлан кӧра инвалид лийше, Кугу Сарын участникше, тулыкеш кодшо пелаш, блокадник да ӱмыр лугыч лийше военнослужащий- влакын ача-авашт пурат.