Таче Российыште армий радамыш шошо призыв тӱналын
Таче Российыште армий радамыш шошо призыв тӱналын. Салтак вургемым 15-ше июль марте 135 тӱжем рвезе чийышаш. Но короновирус инфекцийлан кӧра, рвезе- влак службым наҥгайыме верыш 20-шо май деч ончыч огыт кай. Наҥгайыме деч ончыч чыла призывникым корновируслан тестироватлаш тӱналыт, частьыш миен шумеке, нуно кок арняш карантиным эртышаш улыт. Призывной да сборный пунктлаште контактдыме термометрым, бактерицидный облучательым, тест-системым, медицина маскым, дезинфицироватлыше средствым ямдылыме. Сарзе комиссариатлашке тӱрлӧ омса гыч изи тӱшка дене пуртат. Пурымо верлаште медицина пост- влак вераҥдалтыт. Кӧн температурыжо кӱзен гын, кӧргышкӧ огыт пурто. Россий мучко тыгай радам лийшаш.
