Йошкар-Олаште «Единый Российын» волонтёр рӱдерышкыже коронавируслан кӧра полышым пуаш шонышо еҥ- влак утларак ушнат

Йошкар-Олаште «Единый Российын» волонтёр рӱдерышкыже коронавируслан кӧра полышым пуаш шонышо еҥ- влак утларак ушнат. Мутлан, рӱдер гыч изолироватлалтше пенсионерке- влак Капитолина Усынина, Евгения Конева деке йодмаш почеш кочкыш сатум, эмым намиеныт. Эше кум адрес дене кочкышым, быт химийым, эмым намийыме. 93 ияш сарын участникшын 69 эргыже ачажлан госпталь гыч  эмым кондаш йодын. Тудымат вашке гына конден пуымо. Шокшо линийыш йыҥгыр шуко пура. Но рӱдер чылажымат шуктен ок керт. Лишыл еҥ- влак кугурак родыштлан тӱткышым шукырак ойырышаш улыт. Рӱдер, тӱҥ шотышто, самоизолированный еҥ- влаклан да кӧлан полышым нигӧ деч вучаш, нунылан полшаш ышталтын. Южгунам пошкудо- влакат воктенышт илыше шкет шоҥгыеҥ- влак нерген йыҥгыртат. Нунымат ӧрдыжеш огыт кодо. Самоизолированный еҥ- влак 63-00-39 номеран телефон дене йыҥгыртен кертыт.