Ветеран- влак баскетбол дене модыныт

Йошкар-Олаште ветеран- влак коклаште баскетбол дене регион кокласе турнир эртен. Таҥасымаш Марий Элын сулло тренерже Александр Олоничевым да тудын воспитанникше- влакым шарныме лӱмеш 9-ше гана эртаралтын. Тушто Йошкар-Олан, Озаҥын, Сыктывкарын да Угарманын пӧръеҥ командыже- влак модыныт. Учашымаш пеш пӱсын эртен. Сеҥышыш Озаҥ олан командыже лектын. Марий баскетболын ветеранже- влак вӱргече еда 19 шагатлан «Агропроект» институтын спортзалыштыже погынат да чыла куымлан- влакым шке радамышкышт ушнаш 
ӱжыт.