Марий Элын йодмашыже Российысе конкурсышто сеҥышыш лекшаш

Социал- экономически вияҥдыме эн сай паша да тӱҥалтышлан Российысе конкурсыш Марий Элын пуымо йодмашыже сеҥымашлан ӱшаным кучышо- влак коклаш пурен. Чылаже Элысе 19 кундем гыч 29 йодмаш лийын. «Оласе вияҥмаш да инфраструктура» номинацийыште Марий Элын «Оласе йӧнан кумдык йоча- влакын шинчашт дене» паша Новосибирск областьысе «Ушан остановка» да Угарман областьын йодмашышт дене пырля сеҥышыш лекташ шонат. Иктешлымаш да сеҥыше- влакым саламлымаш 12-14-ше февральыште «Сочи-2020» Российысе инвестиций форумышто лиеш. 2018-ше ийыште конкурс 700 йодмашым поген ыле гын, 2019-ше ийыште тӱжемат 450 утла лийын.