Сеҥымаш кече вашеш калык усталык фестиваль лиеш

Йошкар-Олаште калык усталык фестиваль лиеш.  31-ше апрель гыч 6-шо май марте Республике кӱкшытан «Шочмо мландын кугу вийже» калык усталык фестиваль эрта. Тудо Кугу Ачамланде сарыште сеҥымылан 75 ий теммылан да Марий Элын 100 ияш лӱмгечыжлан пӧлеклалтеш. Фестиваль кышкарыште мурышо да куштышо ансамбль, вокал да хор коллектив- влакын, духовой оркестр, ансамбль, калык семӱзгар оркестр, посна исполнитель, изи театр, калык театр, фольклор коллектив- влакын конкурсышт эрта. Тыгак фотоусталыкым ончыктышо «Илыш-подвиг» ончер, сӱрет да кидпаша мастарлыкым ончыктышо «Уло тӱня дене Тӱня нерген» ончер лийыт. Марий Элыште Сеҥымаш кечым пайремлыме шотышто оргкомитетым ыштыме. Тудо 60 утла мероприятийым эртараш палемден.