«Йолгорно» скандинавий коштмаш рӱдер ден Санкт-Петербургысо «Кошташ каена!» ушем вашкыл шотышто ойпидышым кылденыт

Кодшо кечылаште Марий Элысе «Йолгорно» скандинавий коштмаш рӱдер ден Санкт-Петербургысо «Кошташ каена!» регион- влак кокласе мер ушем вашкыл шотышто ойпидышым кылденыт.  Марий Элын еҥже- влак Москошко лӱмын миеныт. Документеш шке кидпалыштым мер организацийын президентше Ирина Марковская ден «Йолгорно» рӱдерым вуйлатыше Алексей Алексеев шынденыт. Рӱдӧ олаште тиддеч посна «Кошташ каена» клубын инструкторжо-влаклан тренировкым эртарыме шотышто семинар лийын. Ынде Марий Элыште да Санкт-Петербургышто скандинав коштмашым вияҥдыме шотышто пырля мероприятий- влак эртаралташ тӱналыт.