Кодшо ийын кум тӱжем мужыр у ешым чумырен
Марий Элыште эртыше ийын кум тӱжемат 530 мужыр у ешым чумырен, шым тӱжемат 392 йоча шочын. Юл кундем округышто пеҥгыде ешын чотшо дене Марий Эл ончыл кундем- влак радамыш пурен. Специалист- влак ешым чумырымо чот дене эн ончыл кум верым палемденыт. Ончыл, икымше верыш Оренбург лектын, кокымшышто Татарстан улеш, кумшо верым Марий Эл ден Пермь край пайлат.
