Марий Элысе федерал корнылаште 26 машина лумым эрыкта
Кодшо кечылаште изиш лум возо. Лумым эрыкташ да корнышто лӱдыкшыдымылыкым ышташ манын, Чувашийысе, Марий Элысе да Ульяновск областьысе федерал корнылаште 178 технике пашам ышта. Марий Элысе федерал корнылаште 26 машина лумым эрыкта. Республикын чеклаштыже 13 комбинированный машина, 3 автогрейдер, лумым эрыктыше 2 шнекоротор, 12 погрузчик да оборудованийым вашталтыман 18 трактор тыршат. «Волго-ВятскУпрАвтоДор» неле ситуаций лекме годым, водитель- влаклан диспетчер службыш йыҥгырташ темла. Тудын номерже: 8 843-273-54-08.
