Самырык самбист кугу турнирыште той медальым сеҥен налын
Марий Эл гыч самырык самбист россий кӱкшытан турнирыште той медальым сеҥен налын. Курган олаште 13-14 ияш рвезе- влак коклаште турнир «Курганприбор» предприятийын призше верч Шнуй князь Александр Невский лӱмеш эртаралтын. Поро йӱлаш савырныше таҥасымаш Российысе 20 утла кундем гыч уна- влакым поген. Марий Эл гыч Йошкар-Оласе «Олимп» спорт Полатыште тренер Герман Чуршуковын шуарыме Андрей Глазырин миен. Мемнан самбистна вич вашлиймаште ӱшанлын сеҥен, полуфиналыш шуын да турнирын лектышыже почеш той медальым сеҥен налын, - увертара спорт-туризм министерстве.
