Йошкар-Оласе уремлаш у маршрут дене троллейбус- влак лектыт
Кумшо февраль гыч Йошкар-Олаште у 7-ше номеран троллейбус маршрут кошташ тӱналеш. Тудлан кӧра олан эҥер вес велысе могыржо шыл комбинат кундем дене ушна. Тидымат палемдыман: Йошкар-Ола администрацийын увертарымыж почеш, тений троллейбус транспорт предприятий шкенжын 50 ияш лӱмгечыжым палемда. 1970-шо ийын 5-ше ноябрьыште Марий автономийым ыштымылан 50 ий темме лӱмеш икымше троллейбус маршрутым почмо.
