Крешене йӱдым йӱштылаш 19 иорданьым ыштат
Шушаш рушарнян павославий йӱлам кучышо- влак Крешене пайремым палемдат. Тиде йӱдым иян вакыште йӱштыл лекташ кумылан- влак шукын лийыт. МЧС-ын пресс-службыжо увертара: республикысе эҥер, ер да пӱялаште 19 вере йӱштылмӧ верым келыштарат. Йошкар-Олаште Рӱдӧ пляж кундемыште лиеш. Тиддеч посна храм пеленысе да памашлаште ыштыме купельлаште йӱштылаш йӧным ыштат. Йӱштылмӧ верлаште медицина да утарыше пост- влак лийыт, тӱшка порядкым полиций пашаеҥ- влак эскерат.
