«Илыш- подвиг» фотоконкурсышко ушнаш ӱжыт

Йошкар-Оласе калыкым Ачамландым аралыме теме дене «Илыш- подвиг» фотоконкурсышко ушнаш ӱжыт. Йошкар-Ола администрацийын тӱвыра виктемже организационно- тӱвыра рӱдер да «Феникс» калык фотоклуб дене пырля тиде конкурсым эртарат. Конкурсыш колтымо фотосӱрет- влак «Фашизмым сеҥымаш», «Ачамландым аралымаш», «Вуйым пыштыше- влакым шарныме лӱмеш» да «Кызытсе кечыласе герой- влак» теме дене кылдалтшаш улыт. Фотографийын кугытшо 15 да 20 сантиметр кугытан лийшаш, кажне еҥ 2012-шо ий деч вара ыштыме  вич паша деч шуко колтышаш огыл. Чыла пашам 27-ше январь марте Сеҥымашын 30-шо идалыкше лӱмеш тӱвыра полатыште 205-ше пӧлемыште налыт.