Волжск олаште ече дене коштмо тургымым почмо

Волжск оласе ече базыште теле спорт тургымым почмо. Стартыш Волжскын гына огыл, Татарстанынат тӱрлӧ ийготан ечызышт лектыныт. Лум укелан кӧра тиде танасымашым вес жапыш кусарыме ыле. Но тудым вучышыла, ече дене Волжск олан первенствыжымат коден огытыл. Ече базыш йоча да кугыеҥ- влакат толыныт. Чылаже 200 наре еҥ погынен.  Волжск ече спорт дене спортсменже- влак дене кугешна. Чылалан примерым тӱнян шуко гана чемпионкыжо, 80 ияш Тамара Григорьева ончыкта. Самырык тукымым спорт деке кумылаҥдаш манын ешыштат, школыштат спорт корным вияҥден шогыман. Ече базыште  тыглай кечынат, каныш годымат ечым жаплан налаш лиеш.