Орвам телым, терым кеҥежым ямдыле…

Ял озанлык технике паркым уэмдыме шотышто шке жапыштыже, пасу тургым тӱҥалмешке, шоналташ кӱлеш. Республикысе аграрий- влак лач тыгак ыштат. Марий Эл ден Чувашийыште ял озанлык техникым ситарыме шотышто ӱшанле дилер- Ростсельмаш, тиде корно дене чолган пашам виктара. У ий вашеш у машинам налше пиалан озанлык У Торъял районысо «Первый май» колхоз лийын. Тиде озанлык кужу жап «Кировец» дене пайдаланен, но вара утларак виян техникым кычалаш тӱҥалын да «Ростсельмашын» техникыжым шекланен. Эн ончыч тудын пасушто кузе ыштымыжым онченыт. «Семёновский» озанлыкын пасуштыжо тыршыше РСМ 2375 трактор путырак келшен. Документым ыштымеке, тракторым ик арня гычак конденыт. Ынде тудын икымше гана пасуш лекмыжым вучат.