Ял озанлык министерствыште техникым ситарыше «Агромашснаб» предприятийын вуйлатышышт дене вашлиймаш лийын
Республикысе ял озанлык министерствыште министрын алмаштышыже Андрей Кондратенко ял озанлык техникым, оборудованийым да шапаш ужашым ситарыше «Агромашснаб» предприятийын вуйлатышышт дене вашлийын. Тушто «Республикысе ял озанлык кооперацийын да фермер- влаклан полышым пуышо компетенций рӱдерын вуйлатышыштат лийыныт. «Агромашснаб» ушем- тиде «Россельхозбанкын» да «Россий Сбербанкын» техникым кондышо аккредитациян предприятийышт, Балтийский лизинг да Ресо лизинг компанийын партнёржо, ял озанлык технике да оборудованийым лукшо икмыняр предприятийын дилерже улеш. Марий Эл дене ятыр ий пашам ышта. Кодшо ийын тудо озанлык- влаклан 98 технике ден оборудованийым конден ыле. Совещанийыште вашкыл йодышым каҥашыме да республикыште пашам кумдаҥден колтымо нерген мутланыме.