«Шӱкшанысе патырлык заставыште» кид-паша мастарлыклан туныкташ тӱҥалыт
«Шӱкшанысе патырлык заставыште» ремесленный мастерской- влак ышталтыт. Застава ныл ий ончыч шочын. Тудлан тӱналтышым У Торъял райынысо Элембай ялыште храмын настоятельже протоиерей Сергей Бажанов ыштен. Тудо Пектубай ял илем администрацийлан храм воктелсе шӱкшудо кушмо яра кийыше кумдыкым тӱзландараш темлымашым ыштен. Вара «Шӱкшан патырлык заставым ыштымаш» проект верласе инициативе- влакын республикысе конкурсыштышт сеҥышыш лектын. Кызыт тиде заставе У Торъял краеведений тоштерын ужашышлан шотлалтеш. Тений «Шӱкшан патырлык заставыште ремесло слобода» проект поро кумыл фондын грантшым сеҥен налын. Проект тӱрлӧ ийготан еҥ- влаклан пӧлеклалтын. Грант окса кӱшеш столяр, гончар, декоративно- прикладной, ургымо, апшат мастерской- влакым ышташ палемдыме. Шукерте огыл храм престольный пайремым палемден. Тудын радамыште «Ремесло фестиваль» тӱшка мероприятий эртен. Тушто мастар- влакын шуко пашаштым ончыктымо. Нунын коклаште пу гыч ыштыме, ургымо, марий тӱр, кӱртньӧ гыч таптыме, коваште гыч ыштыме ӱзгар-влак улыт.