Марий Эл гыч ӱдырамаш ӧрдыж кундемлаште наркотикым шаркалымылан титаклалтеш
Россий МВД-н Норильск оласе пӧлкажын наркотикым шаркалымашым тергыше пӧлкажын пашаеҥже- влак кугу тӱшка наркотикым поген налыныт, - увертара Краснояр крайысе МВД виктемын пресс-службыжо. Рашемын: Норильскыш Марий Эл гыч 28 ияш ӱдырамаш миен. Тудо оласе шӱгарлаште наркотикым пыштыме шылтык вер- влакым ыштен. Тушечын Южно-Сахалинск олаш чоҥештен. Тушто полиций пашаеҥ- влак тудым кученыт. Норильскысе полицейский- влак шылтыме верыштыже 10 пакет порошокым верештыныт. Тиде синтетикан наркотик 500 утла граммыш погынен. Уголовный пашам тарватыме. Тудын почеш ӱдырамашым 20 ийлан эрык деч посна коден кертыт.